ആലപ്പുഴ: ആലപ്പുഴ വണ്ടാനം മെഡിക്കല് കോളേജ് ആശുപത്രിക്കെതിരെ പരാതി. കൊവിഡ് ചികിത്സാ വിഭാഗത്തില് പുതുതായി രോഗികളെ പ്രവേശിപ്പിക്കുന്നില്ലെന്നാണ് പരാതി ഉയര്ന്നിരിക്കുന്നത്. താലൂക്ക് ആശുപത്രികളില് നിന്നടക്കം മെഡിക്കല് കോളേജിലേക്ക് റഫര് ചെയ്ത രോഗികള് ഒരു മണിക്കൂറായി പുറത്ത് ആംബുലന്സുകള് കാത്ത് കിടക്കുകയാണെന്നാണ് ആക്ഷേപം. ബി കാറ്റഗറി രോഗികള് കൂടുതലായി ഉള്ളതുകൊണ്ട് പരിമിതമായ ഒഴിവ് മാത്രമാണ് കൊവിഡ് വിഭാഗത്തില് ഉള്ളതെന്ന് സൂപ്രണ്ട് അറിയിച്ചു.
