കൊല്ലം : സ്കൂളില് നിന്ന് വീട്ടിലേക്ക് പോവുകയായിരുന്ന വിദ്യാര്ഥികളെ മദ്യപരായ രണ്ടു പേര് വഴിയില് തടഞ്ഞുനിര്ത്തി മര്ദിച്ചതായി പരാതി. കൊല്ലം അഞ്ചല് ഏരൂര് ഹയര് സെക്കന്ഡറി സ്കൂളിലെ പ്ലസ് വണ് വിദ്യാര്ഥികളായ ഉണ്ണി, ആകാശ്, ആനന്ദ്, അസര്, നീരജ്, വിഷ്ണു എന്നിവരെയാണ് മദ്യപിച്ചെത്തിയ യുവാക്കള് മര്ദിച്ചത്. വിദ്യാര്ഥികളെ മര്ദിക്കുന്ന സിസിടിവി ദൃശ്യം രക്ഷിതാക്കള് പോലീസിനും സ്കൂള് അധികൃതര്ക്കും കൈമാറി. കൊല്ലം അയിലറ സ്വദേശികളായ മനു, രുക്കു എന്ന് വിളിക്കുന്ന അഖില് മോഹന് എന്നിവര്ക്കെതിരെ വിദ്യാര്ഥികളുടെ രക്ഷിതാക്കള് ഏരൂര് പോലീസിലും സ്കൂള് പ്രിന്സിപ്പളിനും പരാതി നല്കി. സ്കൂളിന് സമീപം വച്ച് വ്യാഴാഴ്ചയാണ് യുവാക്കള് വിദ്യാര്ഥികളെ മര്ദിച്ചത്. യുവാക്കള്ക്കെതിരെ കര്ശന നിയമനടപടി സ്വീകരിക്കണമെന്ന് സ്കൂള് അധികൃതര് ആവശ്യപ്പെട്ടു.
