ചിറ്റാർ : സമൂഹത്തിലെ യുവാക്കളെയും കുട്ടികളെയും വഴി തെറ്റിക്കുന്ന ലഹരി വസ്തുക്കളുടെ ഉപയോഗത്തിന്റെ ദൂഷ്യവശങ്ങളെപ്പറ്റി ചിറ്റാർ എം എസ് പ്രസാദ് സ്മാരക ലൈബ്രറിയുടെ നേതൃത്വത്തിൽ ലഹരി വിരുദ്ധ ബോധവത്കരണ സെമിനാർ നടത്തി. ബ്ലോക്ക് പഞ്ചായത്തംഗം ഷിജി മോഹനൻ ഉദ്ഘാടനം ചെയ്തു. ലൈബ്രറി പ്രസിഡന്റ് ബിജു പടനിലം അധ്യക്ഷത വഹിച്ചു. ജില്ലാ ലൈബ്രറി കൗൺസിലംഗം കെ ജി മുരളീധരൻ, താലൂക്ക് ലൈബ്രറി കൗൺസിൽ എക്സി: അംഗം രജി തോപ്പിൽ, വായനാശാല സെക്രട്ടറി ടി എ സുദേവൻ എന്നിവർ സംസാരിച്ചു.
