പത്തനംതിട്ട : കേരള സംസ്ഥാന വ്യാപാരി വ്യവസായി സമിതി പത്തനംതിട്ട ഏരിയാ കമ്മിറ്റിയുടെ നേതൃത്വത്തിൽ ലഹരി വിരുദ്ധ സദസ്സ് നടത്തി. ലഹരി പദാർത്ഥങ്ങളുടെ ഉപയോഗത്തിന്റെ ദൂഷ്യവശങ്ങളെ കുറിച്ച് ബോധവത്കരിക്കുക, ആരോഗ്യപരവായ ഒരു സമൂഹത്തിന്റെ നിലനില്പ് ഉറപ്പു വരുത്തുക, എന്നിവ ലക്ഷ്യം വെച്ചാണ് പരിപാടി നടത്തിയത്. പത്തനംതിട്ട നഗരസഭ ചെയർമാൻ അഡ്വ: റ്റി സക്കീർ ഹുസൈൻ യോഗം ഉദ്ഘാടനം ചെയ്തു.
ഏരിയ പ്രസിഡന്റ് പികെ. ജയപ്രകാശ് അധ്യക്ഷത വഹിച്ചു. എക്സൈസ് ഡെപ്യൂട്ടി കമ്മീഷ്ണർ വി എ പ്രദീപ് മുഖ്യപ്രഭാഷണം നടത്തി. സമിതി സംസ്ഥാന കമ്മിറ്റി അംഗം അഡ്വ: അബ്ദുൽ മനാഫ് സമിതി ഏരിയ സെക്രട്ടറി ഗീവർഗ്ഗീസ് പാപ്പി , ജില്ലാ വൈസ് പ്രസിഡന്റ് അബ്ദുൽ റഹീം മാക്കാർ , വിമുക്തി ജില്ലാ കോർഡിനേറ്റർ സുനിൽകുമാർ , വിമുക്തി ജില്ലാ കോഡിനേറ്റർ അഡ്വ: ജോസ് തളിയിക്കൽ , ബാബു മേപ്രത്ത്, പുഷ്പരാജൻ, ഹസീബ് ,റഷീദ്, അനൂപ്, ബോബൻ തുടങ്ങിയവർ സംസാരിച്ചു.
