ആലപ്പുഴ : സിപിഎം ആലപ്പുഴ നോർത്ത് ഏരിയ സമ്മേളനത്തിൽ തർക്കവും വാഗ്വാദവും. ബഹളം രൂക്ഷമായതിനെ തുടർന്ന് സമ്മേളനം ഒരു മണിക്കൂറോളം നിർത്തിവെച്ചു. സമ്മേളന പ്രതിനിധികൾ രണ്ടു ചേരിയായി തിരിഞ്ഞാണ് തർക്കവും വാക്പോരും നടത്തിയത്. ചില നേതാക്കൾക്കെതിരെ ഒരു വിഭാഗം വ്യക്തിപരമായ ആക്ഷേപങ്ങൾ ഉന്നയിച്ചത് മറുവിഭാഗം ചോദ്യം ചെയ്തു.
ഒരു മണിക്കൂറിനു ശേഷം സമ്മേളനം പുനഃരാരംഭിച്ചു. മന്ത്രി സജി ചെറിയാൻ അനുകൂലികളും പി.പി.ചിത്തരഞ്ജൻ എംഎൽഎ പക്ഷവും ഏരിയ കമ്മിറ്റിയിൽ മേധാവിത്തം ഉറപ്പിക്കാനുള്ള തീവ്രശ്രമത്തിലാണ്. ഏരിയ സെക്രട്ടറി സ്ഥാനത്തേക്കും മത്സരം ഉണ്ടാകുമെന്ന് സൂചനയുണ്ട്.