പത്തനംതിട്ട കളക്ടറേറ്റ് : ജില്ലയില് ഇന്ന്(24) കേസുകളൊന്നും പുതിയതായി കണ്ടെത്തിയിട്ടില്ല. പ്രോഗ്രാം ഓഫീസര്മാരുടെയും മാനേജ്മെന്റ് ടീം ലീഡര്മാരുടെയും പ്ലാനിംഗ് മീറ്റിംഗ്, ജില്ലാ കളക്ടര് പി.ബി. നൂഹിന്റെ സാന്നിധ്യത്തില് കളക്ടറുടെ ചേമ്പറില് കൂടി.
ഇന്നത്തെ സര്വൈലന്സ് ആക്ടിവിറ്റികള് വഴി പുതിയ കൊറോണ കേസിന്റെ 10 പ്രൈമറി കോണ്ടാക്ടുകളെയും 23 സെക്കന്ഡറി കോണ്ടാക്ടുകളെയും കണ്ടെത്തി. ജനറല് ആശുപത്രി പത്തനംതിട്ടയില് ഒന്പതു പേരും ജില്ലാ ആശുപത്രി കോഴഞ്ചേരിയില് ഏഴു പേരും, ജനറല് ആശുപത്രി അടൂരില് ഒരാളും നിലവില് ഐസൊലേഷനില് ഉണ്ട്.
സ്വകാര്യ ആശുപത്രികളില് തിരുവല്ല പുഷ്പഗിരി മെഡിക്കല് കോളജ് ആശുപത്രിയില് മൂന്നു പേര് ഐസൊലേഷനില് ഉണ്ട്. ആകെ 20 പേര് വിവിധ ആശുപത്രികളില് നിരീക്ഷണത്തില് ഉണ്ട്. ഇന്ന് പുതിയതായി ഏഴു പേരെ ഐസൊലേഷനില് പ്രവേശിപ്പിച്ചു.
കഴിഞ്ഞ ന്യൂസ് ബുളളറ്റിനുശേഷം ഇതുവരെ രണ്ടു പേരെക്കൂടി ഡിസ്ചാര്ജ് ചെയ്തിട്ടുണ്ട്. ഇതുള്പ്പെടെ ഇതുവരെ 63 പേരെ ഡിസ്ചാര്ജ് ചെയ്തു. വീടുകളില് 376 പ്രൈമറി കോണ്ടാക്ടുകളും 23 സെക്കന്ഡറി കോണ്ടാക്ടുകളും നിരീക്ഷണത്തില് ആണ്. നിലവില് വിദേശത്തു നിന്നും തിരിച്ചെത്തിയ 4105 പേര് വീടുകളില് നിരീക്ഷണത്തിലാണ്. ആകെ 4138 പേര് വീടുകളില് നിരീക്ഷണത്തിലാണ് സര്ക്കാര് മേഖലയില് 60 ബെഡ്ഡുകളും, സ്വകാര്യ മേഖലയില് 135 ബെഡ്ഡുകളും രോഗികളെ ഐസൊലേറ്റ് ചെയ്യുന്നതിനായി സജ്ജീകരിച്ചിട്ടുണ്ട്.
ഇന്ന് ജില്ലയില് നിന്നും 37 സാമ്പിളുകള് ഉള്പ്പെടെ ആകെ 299 സാമ്പിളുകള് പരിശോധനയ്ക്കായി അയച്ചിട്ടുണ്ട്. കഴിഞ്ഞ ബുളളറ്റിനുശേഷം 10 നെഗറ്റീവ് പരിശോധന ഫലം ലഭിച്ചിട്ടുണ്ട്.
ജില്ലയില് ഇന്നുവരെ അയച്ച സാമ്പിളുകളില് 10 എണ്ണം പൊസിറ്റീവായും 162 എണ്ണം നെഗറ്റീവായും റിപ്പോര്ട്ട് ലഭിച്ചിട്ടുണ്ട്. 82 സാമ്പിളുകളുടെ ഫലം ലഭിക്കാനുണ്ട്. ജില്ലയിലെ ബസ് സ്റ്റേഷനുകളില് 4508 പേരെ ഇന്ന് സ്ക്രീന് ചെയ്തു. ഇതര സംസ്ഥാനങ്ങളില് നിന്നുവന്ന 43 പേരെ സ്ക്രീന് ചെയ്തു. ഇവരില് ആരിലും രോഗലക്ഷണങ്ങള് കണ്ടെത്തിയിട്ടില്ല. ആകെ 3488 പേര്ക്ക് ബോധവത്ക്കരണം നല്കി. ജില്ലയുടെ അതിരുകളില് 89 ടീമുകള് ഇന്ന് ആകെ 9468 യാത്രികരെ സ്ക്രീന് ചെയ്തു. ഇവരില് രോഗലക്ഷണങ്ങള് ഉളള ഒരാളെ കണ്ടെത്തി. ഇയാള് തിരുവല്ല ബീലിവേഴ്സ് ചര്ച്ച് മെഡിക്കല് കോളജ് ആശുപത്രിയില് ചികിത്സതേടി. ആകെ 9257 പേര്ക്ക് ബോധവത്ക്കരണം നല്കി.
ജില്ലാ മെഡിക്കല് ഓഫീസറുടെ കണ്ട്രോള് റൂമില് 86 കോളുകളും, ദുരന്തനിവാരണ വിഭാഗത്തിന്റെ കണ്ട്രോള് റൂമില് 132 കോളുകളും ലഭിച്ചു. രോഗം സ്ഥിരീകരിച്ചവരുടെ Spatiotemporal mapping ഉപയോഗിച്ചുളള പരിശോധനയില് ഇന്ന് കോളുകള് ഒന്നും ലഭിച്ചില്ല. വിദേശ രാജ്യങ്ങളില് നിന്ന് എത്തിയവരെ സംബന്ധിച്ച് 45 കോളുകള് ലഭിച്ചു. മറ്റ് സംസ്ഥാനങ്ങളില് നിന്ന് എത്തിയവരെ സംബന്ധിച്ച് 35 കോളുകള് ലഭിച്ചു. ക്വാറന്റൈനില് കഴിയുന്ന ആള്ക്കാര് പുറത്തിറങ്ങി നടക്കുന്നത് സംബന്ധിച്ച് ഏഴു കോളുകള് ലഭിക്കുകയും വിവരം ഉടന്തന്നെ എസ്.പി. ഓഫീസില് അറിയിക്കുകയും ചെയ്തു.
അഞ്ച് ഗവണ്മെന്റ് ആരോഗ്യസ്ഥാപനങ്ങളിലും ഒരു സ്വകാര്യ ആശുപത്രിയിലും നടത്തിയ പരിശീലന പരിപാടിയില് ആകെ 32 ഡോക്ടര്മാര്, 50 നഴ്സുമാര്, 60 മറ്റ് ജീവനക്കാര് എന്നിവര് ഉള്പ്പെടെ 142 പേര്ക്ക് പരിശീലനം നല്കി.
1526 അതിഥി തൊഴിലാളികളെ ലേബര് വകുപ്പിന്റെ സഹകരണത്തോടുകൂടി സ്ക്രീനിംഗിന് വിധേയമാക്കി. ഇവരില് 12 പേരില് രോഗലക്ഷണങ്ങള് കണ്ടെത്തി ഇവരെ ഹോം ഐസൊലേഷനില് പ്രവേശിപ്പിച്ചു.
വോളന്റിയര്മാര് ഇന്ന് ഗൃഹസന്ദര്ശന പരിപാടിയില് പങ്കെടുക്കുകയും, ആകെ 3445 വീടുകള് സന്ദര്ശിക്കുകയും ചെയ്തു.
പൊതുജനങ്ങള്ക്ക് ബോധവത്ക്കരണം നടത്തുന്നതിനായി മൈക്ക് അനൗണ്സ്മെന്റ് ആരംഭിച്ചു. പത്തനംതിട്ട ഓട്ടോ, ടാക്സി സ്റ്റാന്ഡുകളിലെ ഡ്രൈവര്മാര്ക്ക് ബോധവത്ക്കരണം നല്കുകയും, അണുനാശിനി നല്കുകയും ചെയ്തു.
ക്വാറന്റൈനില് കഴിയേണ്ട ആളുകള് പുറത്തിറങ്ങി നടക്കുന്നതായി പൊതുജനങ്ങള്ക്ക് വിവരം ലഭിക്കുകയാണെങ്കില് ജില്ലാ മെഡിക്കല് ഓഫീസിലെ കണ്ട്രോള് റൂമില് 9188297118, 9188294118 എന്നീ നമ്പരുകളില് അറിയിക്കണം.
ജില്ലാ കളക്ടറുടെ നേതൃത്വത്തിലുളള ദൈനംദിന അവലോകനയോഗം വൈകുന്നേരം ആറിന് ജില്ലാ കളക്ടറുടെ ചേമ്പറില് നടന്നു.
