ന്യൂഡല്ഹി: ഇനിയുള്ള രണ്ടാഴ്ച നിര്ണ്ണായകമാണ് . രോഗം പടര്ന്ന് പിടിക്കാന് സാധ്യതയേറെയുള്ളതിനാല് കോവിഡ് പ്രതിരോധത്തിന്റെ ഭാഗമായി കടുത്ത നിയന്ത്രണങ്ങളുമായി കേന്ദ്രസര്ക്കാര്. 10 വയസിന് താഴെയുള്ള കുട്ടികളെ വീടിനുപുറത്തുവിടരുതെന്ന് കേന്ദ്രസര്ക്കാര് ആവശ്യപ്പെട്ടു. മുതിര്ന്ന പൗരന്മാരില് ജനപ്രതിനിധികള്, ആരോഗ്യ പ്രവര്ത്തകര് എന്നിവര്ക്ക് ഇളവ് നല്കി. 65 വയസിനുമുകളിലുള്ള പൗരന്മാര് വീടുകളില്ത്തന്നെ കഴിയണം. വിദ്യാര്ഥികള്, രോഗികള്, ഭിന്നശേഷിക്കാര് എന്നിവരുടെ യാത്രാ ഇളവ് മരവിപ്പിച്ചു.
വീട്ടിലിരുന്ന ജോലി ചെയ്യല് സ്വകാര്യമേഖലയിലും നിര്ബന്ധമാക്കണമെന്നും സര്ക്കാര് നിര്ദേശിച്ചു. രാജ്യാന്തര വിമാനങ്ങള്ക്ക് വിലക്ക് ഏര്പ്പെടുത്തി. രാജ്യാന്തരയാത്രാ വിമാനങ്ങള്ക്ക് 22 മുതല് ഇന്ത്യയില് ഇറങ്ങാന് അനുമതിയില്ല. ഒരാഴ്ചത്തേക്കാണ് കേന്ദ്രസര്ക്കാര് വിലക്കേര്പ്പെടുത്തിയത്.
