തിരുവല്ല: ജില്ലയിൽ വ്യാപിച്ചുകൊണ്ടിരിക്കുന്ന കൊറോണ വൈറസിനെ തടയാൻ വേണ്ട മുൻകരുതലുകളുടെ ഭാഗമായി പുഷ്പഗിരി മെഡിക്കൽ കോളേജ് ഹോസ്പിറ്റലിൽ പ്രത്യേകം കൗണ്ടറുകൾ ആരംഭിച്ചു. ആശുപത്രിയിൽ എത്തുന്ന രോഗികൾക്കും ബന്ധുക്കൾക്കും കൊറോണ ലക്ഷണങ്ങൾ ഇല്ലെന്നു ഉറപ്പുവരുത്തിയ ശേഷമാണ് അവരുടെ ആവശ്യാനുസരണമുള്ള പരിശോധനകൾക്ക് വിധേയരാകുന്നത്. ഇതിലൂടെ കൊറോണ വൈറസിനെ ഒരു പരിധിവരെ നിയന്ത്രണ വിധേയമാക്കാൻ സാധിക്കുമെന്ന് പുഷപഗിരി മെഡിക്കൽ കോളേജ് ഹോസ്പിറ്റൽ അഡ്മിനിസ്ട്രേഷൻ ഡയറക്ടർ ഫാ. തോമസ് പരിയാരത്ത് അറിയിച്ചു.
