ദില്ലി: ചായയും മഞ്ഞളുമടക്കമുള്ള ഇന്ത്യന് ഭക്ഷണങ്ങള് കോവിഡ് മരണനിരക്ക് കുറയ്ക്കാന് സഹാച്ചെന്ന് ഐസിഎംആര്. ഇന്ത്യന് ജേണല് ഓഫ് മെഡിക്കല് റിസര്ച്ചില് പ്രസിദ്ധീകരിച്ച പഠനത്തിലാണ് ഇക്കാര്യം വെളിപ്പെടുത്തിയത്. സിങ്ക്, അയണ്, ഫൈബര് എന്നിവയടങ്ങിയ ഭക്ഷണവും ഇന്ത്യക്കാര് സ്ഥിരമായി കുടിക്കുന്ന ചായയും ഭക്ഷണങ്ങളിലെ മഞ്ഞള് ഉപയോഗം എന്നിവയെല്ലാമാണ് മരണനിരക്ക് കുറച്ചത് എന്നാണ് റിപ്പോര്ട്ടില് പറയുന്നത്.
ഇന്ത്യക്കാര് ദിവസവും സ്ഥിരമായി ചായ കുടിക്കുന്നവരാണ്. ഈ ശീലം അവരുടെ ശരീരത്തില് എച്ച്ഡിഎല് നിലനിര്ത്താന് സഹായിക്കും. ചായയിലെ കാറ്റെച്ചിനുകള് (catechins) സ്വാഭാവിക അറ്റോര്വാസ്റ്റാറ്റിന് (ഹൃദയസംബന്ധമായ ചികിത്സയ്ക്കായി ഉപയോഗിക്കുന്ന മരുന്ന്) ആയി പ്രവര്ത്തിക്കുന്നതാണ്. ഇവ രക്തത്തിലെ ട്രൈഗ്ലിസറൈഡുകള് കുറയ്ക്കുന്നു. ഇതിനുപുറമെ എല്ലാ ഭക്ഷണത്തിലും മഞ്ഞള് ധാരാളമായി ഉപയോഗിക്കുന്നവരാണ് ഇന്ത്യയിലെ ജനങ്ങള്. ഇത് അവരുടെ പ്രതിരോധ ശേഷി വര്ധിപ്പിക്കുന്നുവെന്നും വിദഗ്ധര് പറയുന്നു. മഞ്ഞളിലെ കുര്ക്കുമിന് കോവിഡ് 19 രോഗതീവ്രതയും മരണനിരക്കും കുറയ്ക്കുന്നതില് പ്രധാന പങ്ക് വഹിച്ചിരിക്കാമെന്നാണ് വിദഗ്ധര് കരുതുന്നത്.
