മുംബൈ: മോഡലുകളെ വേശ്യാവൃത്തിക്ക് നിര്ബന്ധിച്ചതിന് ഭോജ്പുരി നടി സുമന് കുമാരിയെ അറസ്റ്റ് ചെയ്തതായി മുംബൈ പോലീസ് അറിയിച്ചു. സുമന് കുമാരി അനധികൃത തടങ്കലിലാക്കിയ മൂന്നു വനിതകളെ മുംബൈ പോലീസ് രക്ഷപ്പെടുത്തുകയും ചെയ്തു. ആരെ കോളനി മേഖലയിലെ റോയല് പാം ഹോട്ടലില് മോഡലുകളെ വേശ്യാവൃത്തിക്ക് എത്തിച്ചുനല്കാറുണ്ടെന്ന് വിവരത്തിന്റെ അടിസ്ഥാനത്തിലാണ് ഹോട്ടല് റെയ്ഡ് ചെയ്തത്. സുമന്റെ കൂട്ടാളിയായ പുരുഷനെയും പോലീസ് തിരയുകയാണ്.
സിനിമകളില് അവസരം തേടി മുംബൈയിലെത്തുന്ന യുവതികളെ അവരുടെ സാഹചര്യം ചൂഷണം ചെയ്ത് നിര്ബന്ധിപ്പിച്ചാണ് ഈ മേഖലയിലേക്ക് സുമന് എത്തിച്ചരുന്നത്. പ്രിവന്ഷന് ഓഫ് ഇമ്മോറല് ട്രാഫിക്കിങ് ആക്ട് (പിഐടിഎ) നിയമം വച്ചാണ് എഫ്ഐആര് ഫയല് ചെയ്തിരിക്കുന്നത്. കേസില് അന്വേഷണം പുരോഗമിക്കുകയാണെന്ന് പോലീസ് അറിയിച്ചു.
