ന്യൂഡല്ഹി : കഴിഞ്ഞ 24 മണിക്കൂറിനുള്ളില് രാജ്യത്ത് 18,815 പുതിയ കൊറോണ വൈറസ് കേസുകള് റിപ്പോര്ട് ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു.4.96 ശതമാന മാണ് പ്രതിദിന പോസിറ്റിവിറ്റി നിരക്ക്. 38 പേര്ക്കാണ് കഴിഞ്ഞ ദിവസം രാജ്യത്ത് കോവിഡ് മൂലം ജീവന് നഷ്ടമായത്. ഇതോടെ രാജ്യത്തെ ആകെ കോവിഡ് മരണസംഖ്യ 5,25,343 ആയി.അതേസമയം രോഗമുക്തി നിരക്ക് 98.51 ശതമാനമാണ്.
കേന്ദ്ര ആരോഗ്യ മന്ത്രാലയത്തിന്റെ കണക്കുകള് പ്രകാരം നിലവില് രാജ്യത്ത് 1,22,335 സജീവ കേസുകളാണ് ഉള്ളത്. ഇത് ആകെ രോഗബാധയുടെ 0.28 ശതമാനം ഉള്പ്പെടുന്നു. രാജ്യത്ത് വാക്സിനേഷനും പുരോഗമിക്കുകയാണ്. ഇതുവരെ 198.51 കോടി വാക്സിന് ഡോസുകള് രാജ്യത്തുടനീളം വിതരണം ചെയ്തിട്ടുണ്ട്.
