ഇടുക്കി: സംസ്ഥാനത്ത് ഒരു കൊറോണ മരണം കൂടി റിപ്പോര്ട്ട് ചെയ്തു. കട്ടപ്പന സ്വദേശി പി.കെ. സാംകുട്ടിയാണ് ഇടുക്കിയില് മരിച്ചത്. ശ്വാസകോശ സംബന്ധമായ രോഗമുണ്ടായിരുന്ന സാംകുട്ടി കോട്ടയം മെഡിക്കല് കോളേജ് ആശുപത്രിയില് ചികിത്സയിലിരിക്കെയാണ് മരിച്ചത്. അദ്ദേഹത്തിന് രോഗം എവിടെ നിന്നാണ് ബാധിച്ചതെന്ന് കണ്ടെത്താനായില്ല.
ഇതോടെ ബുധനാഴ്ച മാത്രം റിപ്പോര്ട്ട് ചെയ്യുന്ന നാലാമത്തെ കൊറോണ മരണമാണിത്. നേരത്തെ പത്തനംതിട്ട സ്വദേശികളായ രണ്ടു പേരും ഒരു പാലക്കാട് സ്വദേശിനിയും രോഗം ബാധിച്ചു മരിച്ചിരുന്നു. മൃതദേഹങ്ങള് കോവിഡ് പ്രോട്ടോക്കോള് പ്രകാരം സംസ്കരിക്കും.
