തിരുവനന്തപുരം : വാക്സീന് വാങ്ങാനുള്ള നടപടി ആരംഭിച്ചതായി മുഖ്യമന്ത്രി പിണറായി വിജയന്. കൂടുതല് വാക്സീന് അനുവദിക്കണമെന്ന് കേന്ദ്രത്തോട് ആവശ്യപ്പെട്ടിട്ടുണ്ട്. എന്നാല് വാക്സീന് കേന്ദ്രത്തില് നിന്ന് കിട്ടാന് മാത്രം കാത്തുനില്ക്കില്ല.
മേയ് ഒന്ന് മുതല് 18-45 വയസിന് ഇടയിലുള്ളവര്ക്ക് വാക്സിന് നല്കും. ഈ ഗണത്തില് 1.65 കോടി ആളുകള് സംസ്ഥാനത്തുണ്ട്. രണ്ടോ മൂന്നോ ഘട്ടമായി വാക്സിന് നല്കാനാണ് ഉദ്ദേശിക്കുന്നത്. അസുഖമുള്ളവര്ക്ക് മുന്ഗണന നല്കും. ഇക്കാര്യങ്ങള് പഠിച്ച് വ്യക്തമായ മാനദണ്ഡമുണ്ടാക്കാന് വിദഗ്ധ സമിതിയെ ചുമതലപ്പെടുത്തിയിട്ടുണ്ടെന്നും മുഖ്യമന്ത്രി പറഞ്ഞു. കോവിഡ് അവലോകന യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
വാക്സിന് കമ്പിനികളുമായി ചര്ച്ച നടക്കുകയാണ്. ചീഫ് സെക്രട്ടറി, ധനകാര്യ സെക്രട്ടറി, ആരോഗ്യ സെക്രട്ടറി എന്നിവര് ആലോചിച്ച് ആവശ്യമായ വാക്സിന് ഓര്ഡര് നല്കാന് നടപടിയെടുക്കുമെന്നും മുഖ്യമന്ത്രി പറഞ്ഞു.
