തിരുവനന്തപുരം : പൊതു വേദിയില് പെണ്കുട്ടിയെ വിലക്കിയ സംഭവത്തില് സമസ്തക്കെതിരെ സി.പി.ഐ. പെണ്കുട്ടിയെ വിലക്കിയത് നവോത്ഥാന കേരളത്തില് വെച്ചു പൊറുപ്പിക്കാനാവാത്തതാണെന്ന് സി.പി.ഐ മുഖപത്രമായ ജനയുഗം എഡിറ്റോറിയല്. ‘ എല്ലാ മതങ്ങളിലും ഇത്തരം യാഥാസ്ഥിതിക – പിന്തിരിപ്പന് നിലപാടുകളില് സമാന മനസ്കതയുള്ള ഒരു വിഭാഗമുണ്ടെന്നത് വസ്തുതയാണ്.
ആധുനിക – നവോത്ഥാന കേരളത്തില് ഒരുതരത്തിലും വെച്ചുപൊറുപ്പിക്കുവാന് പാടില്ലാത്ത ഇത്തരം സംഭവങ്ങള് ആവര്ത്തിക്കാതിരിക്കുവാന് അതേ സമുദായങ്ങള്ക്കകത്തുനിന്നുതന്നെ പ്രതിരോധമുയരണം. എങ്കില് മാത്രമേ ഇത്തരം യാഥാസ്ഥിതിക ശക്തികളെ എല്ലാകാലത്തേക്കും ഇല്ലാതാക്കുവാന് സാധിക്കുകയുള്ളുവെന്നും എഡിറ്റോറിയില് പറയുന്നു. വിഷയം സാമുദായികമായും രാഷ്ട്രീയമായും ഉപയോഗിക്കുന്നത് ആശ്വാസ്യമല്ല. ഒരു മതത്തിനെതിരെ തിരിച്ചു വിടാനുള്ള വര്ഗീയ സംഘടനകളുടെ ശ്രമം തിരിച്ചറിയണമെന്നും എഡിറ്റോറിയലില് പറയുന്നു.
