പയ്യോളി : സി.പി.ഐ എം പയ്യോളി ഏരിയ സമ്മേളനത്തിന് ഉജ്ജ്വല തുടക്കം. രാവിലെ ജില്ലാ കമ്മിറ്റി അംഗം ടി ചന്തു പതാക ഉയർത്തിയതോടെ രണ്ടുദിവസത്തെ സമ്മേളനത്തിന് തുടക്കമായി. ഏരിയ കമ്മിറ്റി അംഗങ്ങളായ വി ഹമീദ് രക്തസാക്ഷി പ്രതിജ്ഞ ചൊല്ലിക്കൊടുക്കുകയും, പി.എം വേണുഗോപാലൻഅനുശോചന പ്രമേയം അവതരിപ്പിക്കുകയും ചെയ്തു.
പയ്യോളി പെരുമ ഓഡിറ്റോറിയത്തിലെ സി.സുരേഷ് ബാബു നഗറിലാണ് സമ്മേളനം നടക്കുന്നത്. സംസ്ഥാന കമ്മിറ്റി അംഗം എ.പ്രദീപ് കുമാർ ഉദ്ഘാടനം ചെയ്തു. കെ.ജീവാനന്ദൻ, സി.കെ ഗിരീഷ്, പി.വി സാന്ദ്ര എന്നിവരടങ്ങുന്ന പ്രസീഡിയമാണ് സമ്മേളനം നിയന്ത്രിക്കുന്നത്. ഏരിയ സെക്രട്ടറി എം.പി ഷിബു പ്രവർത്തന റിപ്പോർട്ട് അവതരിപ്പിച്ചു.
