ന്യൂഡല്ഹി: ഗവര്ണറുടെ അന്തസ് ഇടിച്ചു താഴ്ത്തുന്ന വിധത്തില് പ്രസ്താവനകള് നടത്തുന്ന മന്ത്രിമാര്ക്കെതിരെ നടപടിയെടുക്കുമെന്ന ഗവര്ണറുടെ ട്വീറ്റിന് പിന്നാലെ കടുത്ത വിമര്ശനവുമായി സിപിഎം പോളിറ്റ് ബ്യൂറോ. മന്ത്രിമാരെ പുറത്താക്കാന് ഗവര്ണര്ക്ക് അധികാരമില്ലെന്നും ഭരണഘടനാ വിരുദ്ധ പ്രസ്താവനകള് നടത്തുന്നതില്നിന്ന് രാഷ്ട്രപതി ഗവര്ണറെ തടയണം. താന് വഹിക്കുന്ന ഭരണഘടനാ പദവിക്ക് നിരക്കാത്ത രീതിയിലാണ് ആരിഫ് മുഹമ്മദ് ഖാന് പ്രവര്ത്തിക്കുന്നതെന്ന് സിപിഎം പിബി പ്രസ്താവനയില് ആരോപിച്ചു.
