കൊച്ചി : സ്വര്ണക്കടത്ത് കേസുമായി ബന്ധപ്പെട്ട് എറണാകുളത്തെ ബിഎംഎസ് നേതാവിന്റെ വീട്ടില് കസ്റ്റംസ് റെയ്ഡ്. ബിഎംഎസ് നേതാവ് ഹരി രാജിന്റെ എറണാകുളം ഞാറയ്ക്കലിലുള്ള വീട്ടിലാണ് റെയ്ഡ് നടത്തിയത്. കസ്റ്റംസ് ക്ലിയറന്സ് ഏജന്റ്സ് യൂണിയന്റെ സംസ്ഥാന നേതാവാണ് ഹരിരാജ്. സംഘപരിവാര് തൊഴിലാളി സംഘടനയാണ് ബിഎംഎസ്. കോഴിക്കോട് പിപിഎം ഗ്രൂപ്പ് ഗ്രൂപ്പ് ഉടമ നിസാറിനെ സ്വര്ണക്കടത്ത് കേസില് കസ്റ്റംസ് ചോദ്യം ചെയ്തു. സ്വര്ണക്കടത്ത് കേസിലെ പ്രതിയും യുഎഇ കോണ്സുലേറ്റിലെ മുന് പിആര്ഒയുമായ സരിത്ത് പിടിയിലായ ശേഷം ആദ്യം വിളിച്ചത് നിസാറിനെയാണ്. കോഴിക്കോട് കൊടുവള്ളി സ്വദേശിയാണ് നിസാര്.
