പത്തനംതിട്ട : ജില്ലാ സഹകരണ ആശുപത്രിയിലെ പ്രസിഡന്റ് തെരഞ്ഞെടുപ്പിലും മല്ലപ്പള്ളി പഞ്ചായത്ത് വൈസ് പ്രസിഡന്റ് തെരഞ്ഞെടുപ്പിലും കോണ്ഗ്രസ് സ്ഥാനാര്ത്ഥികള് വിജയിച്ചു. പന്തളത്ത് പ്രവര്ത്തിക്കുന്ന സഹകരണ ആശുപത്രിയുടെ പ്രസിഡന്റായി ഭാനുദേവന് നായര് എതിരില്ലാതെ തെരഞ്ഞെടുക്കപ്പെട്ടു. മല്ലപ്പള്ളി പഞ്ചായത്ത് വൈസ് പ്രസിഡന്റ് സ്ഥാനത്തേക്ക് നടന്ന തെരഞ്ഞെടുപ്പില് കോണ്ഗ്രസ് അംഗം റെജി പണിക്കമുറിയും വിജയിച്ചു. വിജയികളെ ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പില്, വൈസ് പ്രസിഡന്റ് അഡ്വ.എ.സുരേഷ് കുമാര് എന്നിവര് അഭിനന്ദിച്ചു.
