പത്തനംതിട്ട : ജാതി മത ശക്തി കളെ ഉപയോഗിച്ച് നരേന്ദ്ര മോഡി സർക്കാർ തകർത്തെറിഞ്ഞ മതേതര ഇഡ്യയുടെ ആത്മാവിനെ വീണ്ടെടുക്കുവാനാണ് രാഹുൽ ഗാന്ധി നയിക്കുന്ന ഭാരത് ജോഡോ യാത്രയെന്ന് എ.ഐ.സി.സി സെക്രട്ടറി വിശ്വനാഥൻ പെരുമാൾ പറഞ്ഞു. ഭാരത് ജോഡോ യാത്രയുടെ ഒരുക്കൾ വിലയിരുത്തുവാൻ ജില്ലാ കോൺഗ്രസ് കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച നേതൃസംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
അതിരൂക്ഷമായ വിലക്കയറ്റം, തൊഴിലില്ലായ്മ എന്നിവ മൂലം രാജ്യത്തെ ജനങ്ങൾ ദുരിതത്തിലാണ്. കാർഷിക ഉല്ലന്നങ്ങളുടെ വിലത്തകർച്ച മൂലമുള്ള കർഷക ആത്മഹത്യയും ഒരിക്കലും ഇല്ലാത്ത വിധം വർദ്ധിച്ചിരിക്കുകയാണ്. ഇതിന് പരിഹാരം കാണുന്നതിന് പകരം രാജ്യത്തിന്റെ സമ്പത്ത് മുഴുവൻ കൊള്ളയടിക്കുവാൻ ആശ്രിതന്മാരായ കോർപ്പറേറ്റ് കുത്തകൾക്ക് പ്രധാനമന്ത്രി അവസരം ഒരുക്കിക്കൊടുത്തിരിക്കുകയാണെന്ന് എ.ഐ.സി.സി സെക്രട്ടറി കുറ്റപ്പെടുത്തി. രാജ്യത്തിന്റെ ഐക്യത്തിനും അഖണ്ഡതക്കും എതിരായ നീക്കങ്ങളെ കോൺഗ്രസ് പാർട്ടിഎന്തു വില കൊടുത്തും ചെറുക്കുമെന്ന് വിശ്വനാഥൻ പെരുമാൾ പറഞ്ഞു. ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പിൽ അദ്ധ്യക്ഷത വഹിച്ചു.
ആന്റോ ആന്റണി എംപി, കെ.പി.സി.സി ജനറൽ സെക്രട്ടറി പഴകുളം മധു , ഭാരത് ജോഡോ ജില്ലാ കോർഡിനേറ്റർ ബാബു ജോർജ്ജ്, മുൻ ഡി.സി.സി പ്രസിഡന്റ് കെ.ശിവദാസൻ നായർ, എ.ഐ.സി.സി അംഗം മാലേത്ത് സരളാദേവി, എ.ഷംസുദ്ദീൻ,എൻ.ഷെലാജ്, ജോർജ്ജ് മാമ്മൻ കൊണ്ടൂർ, റിങ്കു ചെറിയാൻ, വെട്ടൂർ ജ്യോതി പ്രസാദ്, സാമുവൽ കിഴക്കുപുറം, റോബിൻ പീറ്റർ, അനിൽ തോമസ്, എലിസബത്ത് അബു, സജി കൊട്ടക്കാട് ജ്യോതിഷ് കുമാർ മലയാലപ്പുഴ, കെ.ജാസിംകുട്ടി, സുനിൽ എസ് ലാൽ, സുനിൽ കുമാർ പുല്ലാട്, റോജി പോൾ ഡാനിയേൽ , എൻ.സിമനോജ്, പി.ജി ദിലീപ് കുമാർ എന്നിവർ പ്രസംഗിച്ചു.
