പത്തനംതിട്ട: അഖിലേന്ത്യാ കോൺഗ്രസ് കമ്മിറ്റി പ്രഖ്യാപിച്ചിരിക്കുന്ന അംഗത്വ വിതരണത്തിന്റെ ജില്ലാ തല പ്രചാരണ ഉദ്ഘാടനം ഇന്ന് ഉച്ചക്ക് മൂന്ന് മണിക്ക് പത്തനംതിട്ട രാജീവ് ഭവൻ ഓഡിറ്റോറിയത്തിൽ എഐസിസി സെക്രട്ടറി ഐവാൻ ഡിസൂസ നിർവഹിക്കും. ഡിസിസി പ്രസിഡന്റ് പ്രൊഫ. സതീഷ് കൊച്ചുപറമ്പിൽ അധ്യക്ഷത വഹിക്കും.
അസിസ്റ്റന്റ് റിട്ടേണിംഗ് ഓഫീസർ വി.കെ.അറിവഴകൻ, എഐസിസി ഡിജിറ്റൽ മെമ്പർഷിപ്പ് നാഷണൽ കോ ഓർഡിനേറ്റർ സ്വപ്നാ പാട്രോണിക്ക്സ്, കെപിസിസി രാഷ്ട്രീയ കാര്യ സമിതി അംഗം പ്രൊഫ. പി.ജെകുര്യൻ, കെപിസിസി ജനറൽ സെക്രട്ടറിമാരായ എം.എം.നസീർ, പഴകുളം മധു, നിർവാഹക സമിതി അംഗം ജോർജ് മാമ്മൻ കൊണ്ടുർ, മുൻ ഡിസിസി പ്രസിസന്റുമാർ, കെപിസിസി അംഗങ്ങൾ, ഡിസിസി ഭാരവാഹികൾ, ബ്ലോക്ക്, മണ്ഡലം പ്രസിഡന്റുമാർ, പോഷക സംഘടനാ ജില്ലാ പ്രസിഡന്റുമാർ എന്നിവർ പങ്കെടുക്കും.
