ന്യൂഡല്ഹി : ബോംബ് ഭീഷണിയെത്തുടര്ന്ന് ഡല്ഹി ഇന്ദിരാഗാന്ധി രാജ്യാന്തര വിമാനത്താവളത്തിന്റെ സുരക്ഷ ശക്തമാക്കി. അല് ഖ്വയ്ദ വിമാനത്താവളത്തില് ബോംബാക്രമണം നടത്താന് പദ്ധതിയിടുന്നുവെന്ന് ചൂണ്ടിക്കാട്ടി ഡല്ഹി പോലിസിന് ഇ മെയില് ലഭിച്ചിരുന്നു. ഇതിന്റെ പശ്ചാത്തലത്തിലാണ് സുരക്ഷ വര്ധിപ്പിച്ചത്.
മുഹമ്മദ് ജലാല് എന്നറിയപ്പെടുന്ന കരണ്ബീര് സൂരിയും ഭാര്യ ഹസീന എന്നറിയപ്പെടുന്ന ശാരദയും ഞായറാഴ്ച സിങ്കപ്പൂരില് നിന്ന് എത്തുമെന്നും ബോംബാക്രമണം നടത്തുമെന്നാണ് സന്ദേശം. മെയില് സന്ദേശം ലഭിച്ചതിന് പിന്നാലെ ബോംബ് ഭീഷണി വിലയിരുത്തല് സമിതി അന്വേഷണം നടത്തുകയും എന്നാല് ഇത് വ്യാജമാണെന്ന് കണ്ടെത്തുകയും ചെയ്തു. എന്നിരുന്നാലും വിമാനത്താവളത്തിലെ സുരക്ഷ വര്ധിപ്പിച്ചിട്ടുണ്ടെന്നും പ്രസ്താവനയില് വ്യക്തമാക്കിയിട്ടുണ്ട്.
