പത്തനംതിട്ട : ശബരിമല തീര്ഥാടകര് സഞ്ചരിച്ചിരുന്ന വാഹനത്തിന് തീപിടിച്ചു. തിരുവനന്തപുരത്തു നിന്നുള്ള സംഘം സഞ്ചരിച്ച വാഹനമാണ് അപകടത്തില്പെട്ടത്. ശബരിമല ദര്ശനം കഴിഞ്ഞു മടങ്ങുകയായിരുന്നു ഇവര്. ളാഹ ചെളിക്കുഴിയില് ഇന്ന് രാവിലെയായിരുന്നു അപകടം. വാഹനത്തില് നിന്നു പുക ഉയരുന്നതു കണ്ട് എല്ലാവരും പുറത്തിറങ്ങിയതിനാല് വന് അപകടം ഒഴിവായി. ഷോര്ട്ട് സര്ക്യൂട്ടാണ് തീപിടിത്തതിന് കാരണമെന്നാണ് പ്രാഥമിക നിഗമനം. തീ അണയ്ക്കാന് ഫയര്ഫോഴ്സ് എത്തിയപ്പോഴേക്കും വാഹനം പൂര്ണമായി കത്തി നശിച്ചിരുന്നു.
