തിരുവനന്തപുരം : വിതുരയില് 40,500 രൂപയുടെ കള്ളനോട്ടുകള് പിടികൂടി. 500 രൂപയുടെ 81 കള്ളനോട്ടുകളാണ് പിടികൂടിയത്. സംഭവത്തില് നാല് പേരെ വിതുര പോലീസ് കസ്റ്റഡിയിലെടുത്തു. ഇന്നലെ രാത്രി 8.30 തോടെ വിതുര ബിവറേജ് ഔട്ട് ലെറ്റില് നിന്നും മദ്യം വാങ്ങാന് എത്തിയ പൊന്മുടി കുളച്ചിക്കര സ്വദേശി സനു നല്കിയത് കള്ളനോട്ടുകളാണെന്ന് ജീവനക്കാര് കണ്ടെത്തിയിരുന്നു. ഇവരാണ് വിതുര പോലീസിനെ വിവരറിയിച്ചത്. ഇതിന്റെ അടിസ്ഥാനത്തില് നടത്തിയ അന്വേഷണത്തിലാണ് നാല് പേരെ പിടികൂടിയത്. പ്രതികള്ക്ക് തമിഴ്നാട് ബന്ധമുണ്ടെന്ന് പോലീസ് അറിയിച്ചു. കൂടുതല് അന്വേഷണങ്ങള് തുടരുകയാണ്.
