തിരുവനന്തപുരം : സംസ്ഥാനത്തെ സ്കൂളുകള് അടുത്ത അധ്യയന വര്ഷത്തേക്ക് 2022 ജൂണ് ഒന്നിന് തുറക്കുകയാണ്. സ്കൂള് തുറക്കുന്നതിന്റെ ഭാഗമായി വിദ്യാഭ്യാസ വകുപ്പ് വിവിധ പരിപാടികള് പ്രഖ്യാപിച്ചിട്ടുണ്ട്. “ഡിജിറ്റല് ഉപകരണങ്ങള് പ്രവര്ത്തനക്ഷമമാണെന്ന് ഉറപ്പാക്കാന് സ്കൂളുകള് തുറക്കുന്നതിന് മുമ്പ് ഡിജിറ്റല് ക്ലിനിക്കുകളുടെ സേവനം സ്കൂളുകളില് ലഭ്യമാകും. രക്ഷാകര്തൃ – അധ്യാപക സംഘടനകളെ നവീകരിക്കുന്നതിന് വിശദമായ മാര്ഗനിര്ദേശങ്ങള് പ്രസിദ്ധീകരിക്കും. അടുത്ത അധ്യയന വര്ഷത്തേക്കുള്ള പുസ്തകങ്ങള് ജൂണ് ഒന്നിന് മുമ്പ് വിതരണം ചെയ്യും.
