കോന്നി: ദേശീയ ഊർജ്ജ സംരക്ഷണ ദിനത്തോടനുബന്ധിച്ച് കേരള എനർജി മാനേജ്മെൻറ് സെൻറർ, പൊതുവിദ്യാഭ്യാസ വകുപ്പ്, ശാസ്ത്രരംഗം, ജില്ലാ എനർജി ക്ലബ്ബ്, എസ്.പി.സി എന്നിവയുടെ ആഭിമുഖ്യത്തിൽ ഊർജ സംരക്ഷണ ദിനാചരണവും ബോധവൽക്കരണ ക്ലാസ്സും നടത്തി. കോന്നി ഗവൺമെൻറ് ഹയർ സെക്കൻഡറി സ്കൂളിൽ പത്തനംതിട്ട ഇലക്ട്രിക്കൽ ഡിവിഷൻ ചീഫ് എൻജിനീയർ എസ്. ഓമനക്കുട്ടൻ ദേശീയ ഊർജ സംരക്ഷണ ദിനാചരണത്തിൻ്റെ ജില്ലാതല ഉദ്ഘാടനം നിർവഹിച്ചു.
ജില്ലാ വിദ്യാഭ്യാസ ഓഫീസർ അമ്പിളി ഭാസ്കരൻ അധ്യക്ഷത വഹിച്ചു. പത്തനംതിട്ട ഇലക്ട്രിക്കൽ ഡിവിഷൻ അസിസ്റ്റൻറ് എൻജിനീയർ അശ്വിനികുമാർ ഊർജ സംരക്ഷണം അവബോധ ക്ലാസ് എടുത്തു. ക്വിസ് മത്സര വിജയികൾക്കുള്ള സമ്മാനദാനം പിടിഎ പ്രസിഡണ്ട് അഡ്വ. സുനിൽ പേരൂർ നിർവഹിച്ചു. കോന്നി ബിപിസി വി ഷബ്നം, എസ് പി സി സി.പി.ഓ എസ്. സുഭാഷ് അധ്യാപക പ്രതിനിധി പി.സജീവ്, പ്രഥമാധ്യാപിക എച്ച് ഫെബിൻ, ശാസ്ത്ര രംഗം ജില്ലാ കോ-ഓർഡിനേറ്റർ എഫ് അജിനി എന്നിവര് പ്രസംഗിച്ചു.
