കോന്നി : തൃതല പഞ്ചായത്ത് തിരഞ്ഞെടുപ്പിൽ വോട്ടെടുപ്പ് ദിനമായ ഇന്ന് രാവിലെ 8.30 ഓടെ ആദ്യ ഫല സൂചനകൾ ലഭിച്ചു തുടങ്ങുമെന്ന് വരണാധികാരി ആയുഷ്കുമാർ കോറി ഐ എഫ് എസ് അറിയിച്ചു. നടപടികൾ സംബന്ധിച്ച് എല്ലാ ജീവനക്കാർക്കും ആവശ്യമായ പരിശീലനവും മാർഗ നിർദേശങ്ങളും നൽകിയിട്ടുണ്ട്. എട്ട് മണിക്ക് മുൻപ് തന്നെ വോട്ടിംഗ് മിഷീനുകൾ എത്തിക്കും. പോസ്റ്റൽ ബാലറ്റുകൾ ആണ് ആദ്യം എണ്ണുക. പിന്നീട് വോട്ടിങ് മിഷീനുകൾ എണ്ണിതുടങ്ങും.
സ്ഥാനാർഥികളുടെ സാന്നിധ്യത്തിൽ ആണ് സ്ട്രോങ്ങ് റൂമുകൾ തുറക്കുക. പോസ്റ്റൽ ബാലറ്റുകൾ ആണ് ആദ്യം എണ്ണിതുടങ്ങുക. പിന്നീട് അമൃത സ്കൂളിലെ ബൂത്തിലെ മിഷീനുകൾ എണ്ണും. ഫലം അറിയുവാനായി എത്തുന്ന സ്ഥാനാർഥികൾക്കും അവരുടെ കൂടെ എത്തുന്നവർക്കും ഇരിക്കുവാനുള്ള സ്ഥലം സ്കൂൾ ഗ്രൗണ്ടിൽ തന്നെ ക്രമീകരിച്ചിട്ടുണ്ടെന്നും വരണാധികാരി അറിയിച്ചു
