കോഴിക്കോട് : കോണ്ഗ്രസ് സഖ്യം മറന്ന് എന്ഡിഎയുമായി ചര്ച്ച നടത്തേണ്ട സാഹചര്യം ഇപ്പോഴില്ലെന്ന് കനിമൊഴി. പൗരത്വ നിയമഭേദഗതിക്കെതിരെ സോണിയ ഗാന്ധി വിളിച്ച യോഗത്തില് പങ്കെടുക്കാത്തതിന് ചില കാരണങ്ങളുണ്ടായിരുന്നു. എന്നാല് അതേസമയം പൗരത്വ നിയമത്തിനെതിരായ പ്രതിഷേധത്തില് ഡിഎംകെ പ്രതിപക്ഷത്തിനൊപ്പം തന്നെയാണ്. കോണ്ഗ്രസുമായി ചില അഭിപ്രായവ്യത്യാസങ്ങള് മാത്രമാണുള്ളതെന്നും എന്ഡിഎയുമായി ചര്ച്ച നടത്തേണ്ട യാതൊരു സാഹചര്യവുമില്ലെന്നും കനിമൊഴി പറഞ്ഞു.
തമിഴ്നാട്ടില് ഡിഎംകെ-കോണ്ഗ്രസ് സഖ്യത്തിലെ ഭിന്നതയ്ക്ക് അവസാനമായെന്ന് കോണ്ഗ്രസ് സംസ്ഥാന അധ്യക്ഷന് അഴഗിരി ഇന്നലെ പ്രതികരിച്ചിരുന്നു. ഡിഎംകെ അധ്യക്ഷന് എംകെ സ്റ്റാലിനുമായി സമവായ ചര്ച്ചയ്ക്ക് ശേഷം മാധ്യമങ്ങളെ കണ്ട അദ്ദേഹം സഖ്യം തുടരുമെന്ന് അറിയിച്ചു. തദ്ദേശഭരണ സ്ഥാപനങ്ങളിലെ അധ്യക്ഷ പദവി പങ്കിടുന്നതിന്റെ പേരില് തുടങ്ങിയ തര്ക്കമാണ് യുപിഎ സഖ്യത്തിന്റെ ഭിന്നതയിലേക്ക് വഴിമാറിയത്.
