അട്ടച്ചാക്കലിൽ തെരുവ് നായ ശല്യം രൂക്ഷം

കോന്നി : കോന്നി അട്ടച്ചാക്കലിൽ തെരുവ് നായ ശല്യം രൂക്ഷമാകുന്നു. റോഡിലൂടെ അലഞ്ഞ് തിരിയുന്ന നായ കൂട്ടം ബൈക്ക് യാത്രക്കാർക്ക് പുറകെ ഓടുന്നതും യാത്രക്കാർ അപകടത്തിൽപ്പെടുന്നതും പതിവ് കാഴ്ചയാണ്. നായകൾ കൂട്ടത്തോടെ ആണ് റോഡിലൂടെ നടക്കുന്നത്. വിദ്യാർത്ഥികളെ സ്കൂളിൽ വിടാൻ പോലും ഇത് കാരണം ഭയമാണെന്ന് പ്രദേശ വാസികൾ പറയുന്നു. പൊതു നിരത്തിൽ വലിച്ചെറിയുന്ന മാലിന്യം നായകളുടെ ശല്യം വർധിപ്പിക്കുന്നുണ്ട്. കോന്നി ഗ്രാമ പഞ്ചായത്ത്‌ അധികൃതരും സംഭവത്തിൽ നടപടി സ്വീകരിച്ചിട്ടില്ല.