ട്രഷറി വകുപ്പിന്റെ ആസ്ഥാന മന്ദിരം ഒക്ടോബറിൽ പൂർത്തിയാക്കും ; മന്ത്രി

തിരുവനന്തപുരം: സംസ്ഥാന ട്രഷറി വകുപ്പിന്റെ ആസ്ഥാന മന്ദിരത്തിന്റെ നിര്‍മ്മാണം ഒക്ടോബറില്‍ പൂര്‍ത്തിയാക്കുമെന്നു ധനമന്ത്രി കെ.എന്‍.ബാലഗോപാല്‍. നിര്‍മ്മാണ പുരോഗതി വിലയിരുത്തിയ ശേഷം മാധ്യമങ്ങളോടു സംസാരിക്കുകയായിരുന്നു മന്ത്രി. ട്രഷറി പ്രവര്‍ത്തനങ്ങളെ ഏകോപിപ്പിക്കാന്‍ കേന്ദ്ര ഓഫീസെന്ന നിലയിലാകും തിരുവനന്തപുരം പട്ടത്ത് നിര്‍മ്മാണം പുരോഗമിക്കുന്ന ട്രഷറി ഡയറക്ടറേറ്റ് പ്രവര്‍ത്തിക്കുക. കാര്യക്ഷമവും സുതാര്യവുമായ ജനസേവനം എന്ന ലക്ഷ്യത്തിലാണു കേന്ദ്ര ട്രഷറി ഓഫീസ് നിര്‍മ്മിക്കുന്നതെന്നും മന്ത്രി പറഞ്ഞു. വി.കെ. പ്രശാന്ത് എം.എല്‍.എ, ട്രഷറി വകുപ്പ് ഡയറക്ടര്‍ വി. സാജന്‍, ഉദ്യോഗസ്ഥര്‍ തുടങ്ങിയവര്‍ മന്ത്രിക്കൊപ്പമുണ്ടായിരുന്നു.