ന്യൂഡല്ഹി : വിവാദ കാര്ഷിക നിയമത്തിനെതിരെ സമരം നടത്തുന്ന കര്ഷകരെ എൻഐഎയെ രംഗത്ത് ഇറക്കിക്കൊണ്ട് ബ്ലാക്ക് മെയില് ചെയ്യാമെന്ന് കരുതേണ്ടെന്ന് കര്ഷക നേതാവ് ബല്ദേവ് സിങ്ങ് സിര്സ പറഞ്ഞു. കേന്ദ്ര സര്ക്കാരും കര്ഷകരും തമ്മില് നടക്കുന്ന ഇന്നത്തെ ചര്ച്ചയിലും വലിയ പ്രതീക്ഷയില്ലെന്നും അദ്ദേഹം പറഞ്ഞു. കേന്ദ്രവും കര്ഷകരും തമ്മിലുളള പത്താംവട്ട ചര്ച്ചയാണ് ഇന്ന് നടക്കുന്നത്.
കേന്ദ്ര സര്ക്കാരിനെതിരെ സമരം നടത്തുന്നതില് എൻഐഎ നോട്ടീസ് നല്കിയ നേതാവാണ് ബല്ദേവ് സിങ് സിര്സ. എൻഐഎയുടെ മുന്നില് ഹാജരാകുന്ന കാര്യത്തില് ഇതുവരെയും തീരുമാനമെടുത്തിട്ടില്ലെന്നും അദ്ദേഹം പറഞ്ഞു. ജനുവരി 26 ന് നടത്താനിരിക്കുന്ന ട്രാക്ടര് റാലി വളരെ സമാധാനപരമായി നടത്താനാണ് തീരുമാനിച്ചിരിക്കുന്നത്. എന്നാല് ഇത് തടയണമെന്ന് ഡല്ഹി ബിജെപി ഘടകം നിര്ദേശം നല്കിയിട്ടുണ്ടെന്നും അദ്ദേഹം പറഞ്ഞു.
