കോന്നി: ദേശീയ ശാസ്ത്രാവബോധ ദിനാചരണത്തിന്റെ ഭാഗമായി കേരള ശാസ്ത്ര സാഹിത്യ പരിഷത് കോന്നി മേഖലകമ്മിറ്റിയും പുരോഗമന കലാ സാഹിത്യ സംഘവും സംയുക്തമായി ഡോ.നരേന്ദ്ര ദാബോൽക്കർ അനുസ്മരണം കോന്നി ടൗണിൽ നടത്തി. അന്ധവിശ്വാസങ്ങളും അനാചാരങ്ങളും ഇല്ലാതാക്കുന്നതിന് കേരളത്തിൽ അന്ധവിശ്വാസ-
അനാചാര നിരോധന നിയമം ഉടൻ കൊണ്ടുവരണമെന്ന് ശാസ്ത്ര സാഹിത്യ പരിഷത് ജില്ലാ പ്രസിഡന്റ് വി.എൻ.അനിൻ അനുസ്മരണ പ്രഭാഷണത്തിൽ ആവശ്യപ്പെട്ടു. പരിഷത് മേഖലാ പ്രസിഡന്റ് സലിൽ വയലത്തല അദ്ധ്യക്ഷത വഹിച്ചു. എൻ.എസ്. മുരളീ മോഹൻ, കെ.എസ്.ശശികുമാർ, ജി.രാജൻ, എസ്. അഞ്ജിത എന്നിവർ സംസാരിച്ചു.
