തിരുവനന്തപുരം: കൊട്ടാരക്കര താലൂക്ക് ആശുപത്രിയില് കൊല്ലപ്പെട്ട ഡോ വന്ദന ദാസിന്റെ കൊലയാളിയായ സന്ദീപിന്റെ മാനസിക നില പരിശോധിക്കാന് തിരുവനന്തപുരം മെഡിക്കല് കോളേജിലേക്ക് മാറ്റി. ജയിലിലായിരുന്ന സന്ദീപിനെ ഇന്നാണ് മെഡിക്കല് കോളേജിലേക്ക് മാറ്റിയത്. സന്ദീപിന് സുരക്ഷ നല്കണമെന്ന് കോടതി പോലീസിന് നിര്ദ്ദേശം നല്കി.
ഏഴ് ദിവസം കിടത്തിച്ചികിത്സിച്ചാല് മാത്രമേ സന്ദീപിന്റെ ആരോഗ്യ നില മനസിലാകൂവെന്നാണ് ഡോക്ടര്മാര് പറഞ്ഞത്. സന്ദീപിനെ ആറര മണിക്കൂര് നേരം പരിശോധിച്ച ശേഷമാണ് കിടത്തിച്ചികിത്സിക്കണമെന്ന ആവശ്യം മെഡിക്കല് ബോര്ഡ് മുന്നോട്ട് വെച്ചത്. പോലീസ് കസ്റ്റഡിയിലായിരുന്ന പ്രതിയുടെ കസ്റ്റഡി കാലാവധി ഇന്ന് പൂര്ത്തിയായിരുന്നു. ഇതിന് പിന്നാലെയാണ് മാനസിക നില പരിശോധിക്കാന് കിടത്തിച്ചികിത്സയ്ക്ക് അയച്ചിരിക്കുന്നത്.
