ആലപ്പുഴ : കുളത്തിൽ കുളിക്കാനിറങ്ങിയ വിദ്യാര്ത്ഥി മുങ്ങി മരിച്ചു. പട്ടണക്കാട് അന്ധകാരനഴി കല്ലുപുരയ്ക്കല് ജീവന്റെ മകന് ജിഷ്ണു (17) ആണ് കുളത്തില് മുങ്ങിമരിച്ചത്. തണ്ണീര്മുക്കം മുട്ടത്തിപ്പറമ്പ് കണ്ണങ്കര കവലയ്ക്ക് സമീപത്തെ പെരുംകുളത്തില് ആണ് അപകടം നടന്നത്. പുത്തനങ്ങാടിയിലെ അമ്മവീട്ടിലെത്തിയ ജിഷ്ണു, ഒരു കിലോമീറ്ററോളം അകലെയുള്ള പെരുംകുളത്തില് സുഹൃത്തുക്കളോടൊപ്പം കുളിക്കാനിറങ്ങിയതാണ്. മുങ്ങിത്താണ ജിഷ്ണുവിനെ പരിസരവാസികളും മറ്റും ചേര്ന്ന് കരക്കെത്തിച്ച് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. ചേര്ത്തല ശ്രീനാരായണ ഗുരു കോളേജിലെ ഒന്നാം വര്ഷ കമ്പ്യൂട്ടര് സയന്സ് ബിരുദ വിദ്യാര്ഥിയാണ്. അമ്മ – ജീവ. സഹോദരന് – ജിതിന്
