തിരുവനന്തപുരം: കടയ്ക്കാവൂര് മണനാക്കില് 320ഗ്രാം എംഡിഎംഎയുമായി രണ്ടു യുവാക്കള് പിടിയില്. കടയ്ക്കാവൂര് പോലീസും ഡാന്സഫ് ടീമും ചേര്ന്നു നടത്തിയ പരിശോധനയില് മണനാക്കില് വെച്ചാണ് ഇരുചക്ര വാഹനത്തില് വന്ന യുവാക്കളില് നിന്ന് 320 ഗ്രാം എംഡിഎംഎ പിടികൂടിയത്.
നിരവധി നര്ക്കോട്ടിക്ക്, ക്രിമിനല് കേസുകളിലെ പ്രതിയായ ചിറയിന്കീഴ് പെരുങ്ങുഴി നാലുമുക്കില് വിശാഖില് ശബരീനാഥ്, വര്ക്കല അയിരൂര് കളത്തറ നിഷാന് മന്സിലില് നിഷാന് എന്നിവരാണ് പിടിയിലായത്. ഇവരില് നിന്നും 320 ഗ്രാം എം.ഡി.എം.എ പിടികൂടി. വിപണിയില് ഒരു കോടിയോളം വിലവരുന്ന ലഹരി വസ്തുക്കളാണ് പിടികൂടിയത്.
കേരളാ പോലീസിന്റെ ലഹരി വിരുദ്ധ വിഭാഗമായ യോദ്ധാവില് നിന്നും ലഭിച്ച രഹസ്യ വിവരത്തിന്റെ അടിസ്ഥാനത്തില് തിരുവനന്തപുരം റേഞ്ച് ഡി.ഐ.ജി.നിശാന്തിനി ഐ.പി.എസ്സ് ന്റെ നിര്ദ്ദേശപ്രകാരം തിരുവനന്തപുരം റൂറല് ഡാന്സാഫ് സംഘത്തിന്റെ രഹസ്യനിരീക്ഷണത്തില് ആയിരുന്നു പിടിയിലായവര് .
