മുംബൈ : ആഢംബര കപ്പലിലെ ലഹരി പാർട്ടിയുമായി ബന്ധപ്പെട്ട് ഒരു മലയാളി അറസ്റ്റിൽ. ശ്രേയസ് നാരായൺ അറസ്റ്റിൽ. ശ്രേയസ് എന്സിബി കസ്റ്റഡിയിലാണ്. ആര്യന് ഖാന് ലഹരി മരുന്ന് എത്തിച്ചു കൊടുത്തത് ശ്രേയസ് നായരാണെന്ന് കണ്ടെത്തി. ഇയാൾ ആര്യൻ ഖാനുമായി നിരന്തരം ബന്ധപ്പെട്ടിരുന്നതിന്റെ ചാറ്റ് വിവരങ്ങൾ അന്വേഷണ ഉദ്യോഗസ്ഥർക്ക് ലഭിച്ചു. മയക്കുമരുന്ന് കേസില് അറസ്റ്റിലായ ബോളിവുഡ് സൂപ്പര്സ്റ്റാര് ഷാരൂഖ് ഖാന്റെ മകന് ആര്യന് ഖാനാണ് ഒന്നാം പ്രതി. കഴിഞ്ഞ നാല് വര്ഷമായി ആര്യന് മയക്ക് മരുന്ന് ഉപയോഗിച്ചിരുന്നുവെന്ന് എന് സി ബി കണ്ടെത്തി.
ആഡംബര കപ്പലായ കോര്ഡിലിയ ക്രൂയിസിലാണ് ലഹരിപ്പാര്ട്ടി നടത്തിയത്. കപ്പലിൽ നിന്ന് കൊക്കെയിന്, ഹാഷിഷ്. എംഡിഎംഎ തുടങ്ങിയ നിരോധിത മയക്കുമരുന്നുകള് പിടികൂടി. കപ്പലില് ശനിയാഴ്ച ലഹരിപ്പാര്ട്ടി നടത്താന് തീരുമാനിച്ചിട്ടുണ്ടെന്ന രഹസ്യ വിവരത്തെ തുടര്ന്നായിരുന്നു റെയ്ഡ് നടന്നത്.
