കോഴിക്കോട്: കെ എം ഷാജി എംഎല്എക്കെതിരായ പ്ലസ് ടു കോഴ പരാതിയില് ഇ.ഡി മുന് പിഎസ് സി അംഗവും ലീഗ് നേതാവുമായ ടി ടി ഇസ്മായിലിനെ ചോദ്യം ചെയ്യുന്നു.
കെ എം ഷാജിക്കെതിരായ അന്വേഷണത്തിലാണ് തന്നെ ഇ.ഡി വിളിപ്പിച്ചതെന്നും പത്ത് വര്ഷത്തെ സാമ്പത്തിക ഇടപാട് രേഖകള് ഹാജരാക്കാന് ഇ.ഡി ആവശ്യപ്പെട്ടതായും ഇസ്മായില് പറഞ്ഞു.
കൊണ്ടോട്ടി എംഎൽഎ ടി വി ഇബ്രാഹിം, ടി ടി ഇസ്മയിൽ എന്നിവർക്കൊപ്പം ചേർന്ന് വാങ്ങിയ ഭൂമിയിലാണ് ഇപ്പോൾ അന്വേഷണം നടക്കുന്ന വീട് കെ എം ഷാജി നിർമ്മിച്ചത്. ഭൂമി കെ എം ഷാജി തട്ടിയെടുത്തെന്ന് ടി വി ഇബ്രാഹിമും ടി ടി ഇസ്മയിലും പരാതിപ്പെട്ടിരുന്നു. പാണക്കാട് ഹൈദരലി ശിഹാബ് തങ്ങള് പി വി അബ്ദുൾ വഹാബ് എന്നിവർ ഇടപെട്ടാണ് മുടക്കുമുതൽ ഇരുവർക്കും പത്ത് വർഷത്തിന് ശേഷം തിരിച്ചു നല്കിയത്.
