ചെന്നൈ: തമിഴ്നാട് വൈദ്യുതി എക്സൈസ് മന്ത്രി വി സെന്തില് ബാലാജിയുടെ ഔദ്യോഗിക വസതിയില് ഇ ഡി റെയ്ഡ്. കരൂറിലെ ബാലാജിയുടെ സഹോദരന്റെ വീട്ടിലും റെയ്ഡ് നടന്നു. ചെന്നൈ, കോയമ്പത്തൂര്, കരൂര് എന്നിവിടങ്ങളിലായി നാല്പ്പതിലധികം സ്ഥലങ്ങളില് പുലര്ച്ചെ 6.30 മുതലായിരുന്നു പരിശോധന. 2011-15 കാലഘട്ടത്തില് അന്തരിച്ച ജെ ജയലളിതയുടെ നേതൃത്വത്തിലുള്ള എഐഎഡിഎംകെ സര്ക്കാരില് ഗതാഗത മന്ത്രിയായിരുന്നു സെന്തില് ബാലാജി. ട്രാന്സ്പോര്ട്ട് കോര്പ്പറേഷനുകളില് ഡ്രൈവര്മാരെയും കണ്ടക്ടര്മാരെയും നിയമനം നല്കുന്നതിന് വിവിധ വ്യക്തികളില് നിന്ന് വന്തുക കൈക്കൂലി വാങ്ങിയതായി പരാതികള് ഉണ്ടായിരുന്നു.
സര്ക്കാര് മദ്യവിതരണ ശാലകളായ ടാസ്മാക് ഔട്ട്ലെറ്റുകളുമായി ബന്ധപ്പെട്ട് പ്രവര്ത്തിക്കുന്ന ബാര് അനുവദിച്ചതില് അഴിമതി നടന്നിട്ടുണ്ടെന്ന് ആരോപിച്ച് അണ്ണാ ഡിഎംകെയും ബിജെപിയും ഗവര്ണര് ആര്.എന്.രവിക്ക് പരാതി നല്കിയിരുന്നു. കഴിഞ്ഞ മാസവും വൈദ്യുതി എക്സൈസ് മന്ത്രി വി. സെന്തില് ബാലാജിയുമായി ബന്ധപ്പെട്ടയിടങ്ങളില് ആദായനികുതി വകുപ്പിന്റെ പരിശോധന നടന്നിരുന്നു.
