തിരുവനന്തപുരം : തദ്ദേശഭരണ തെരഞ്ഞെടുപ്പ് നവംബര് ആദ്യവാരത്തില് നടക്കും. നവംബര് 11-ന് പുതിയ ഭരണ സമിതികള് ചുമതലയേല്ക്കും. എല്ലായിടത്തും അധിക വാര്ഡുകളുണ്ടാവുമെന്ന് സംസ്ഥാന തെരഞ്ഞെടുപ്പ് കമ്മിഷണര് വി ഭാസ്ക്കരന് പറഞ്ഞു. പുതിയ വാര്ഡുകളില് പുതിയ വീട്ടുനമ്പരായിരിക്കും.
തെരഞ്ഞെടുപ്പ് സമയക്രമത്തില് ഏകദേശ ധാരണയായി. വാര്ഡ് പുനര്വിഭജനത്തിന് ഡീ ലിമിറ്റേഷന് കമ്മീഷന് നടപടി തുടങ്ങണം, വോട്ടര് പട്ടിക തയ്യാറാക്കണം അങ്ങനെ കടമ്പകള് ഇനിയും ബാക്കിയാണെന്ന് അദ്ദേഹം പറഞ്ഞു. .2011-ലെ സെന്സസ് അടിസ്ഥാനത്തിലാകും വാര്ഡ് പുനര് വിഭജനമെന്നും സംസ്ഥാന തെരഞ്ഞെടുപ്പ് കമ്മിഷണര് പറഞ്ഞു.
