കോന്നി : കോന്നി ഇ എം എസ് ചാരിറ്റബിൾ സൊസൈറ്റിയുടെ ആതുരാശ്വാസ ജീവകാരുണ്യ പ്രവർത്തനങ്ങളെ ഏകോപിപ്പിക്കുന്നതിൻറെ ഭാഗമായി ആരംഭിച്ച വിഭാഗമായ ലൈഫിന്റെ മേൽ നോട്ടത്തിൽ മരണാന്തര ശരീരദാനത്തിലും അവയവ ദാനത്തിനും തയ്യാറായി രജിസ്റ്റർ ചെയ്തിരിക്കുന്നവരുടെ കുടുംബ സംഗമം സെപ്റ്റംബർ 17 ന് ഉച്ച കഴിഞ്ഞ് 2 മണിക്ക് കോന്നിയിലെ പുതിയ കെ എസ് ആർ റ്റി സി ബസ് സ്റ്റാൻഡിൽ നടക്കും. സംസ്ഥാന ആരോഗ്യ വകുപ്പ് മന്ത്രി വീണ ജോർജ്ജ് ഉദ്ഘാടനം നിർവഹിക്കും. പ്രശസ്ത കവി കുരീപ്പുഴ ശ്രീകുമാർ ഇ എം എസ് ചാരിറ്റബിൾ സൊസൈറ്റി പ്രസിഡണ്ട് ശ്യാം ലാൽ,സെക്രട്ടറി ശശികുമാർ കെ എസ്,ലൈഫ് ചെയർപേഴ്സൺ കേണൽ ഇന്ദിര ദേവി,ലൈഫ് കൺവീനർ രംഗനാഥ്,സാമൂഹിക രാഷ്ട്രീയ പ്രവർത്തകർ തുടങ്ങിയവർ പങ്കെടുക്കും.
