ചിറ്റാർ : വനം വകുപ്പിന്റെ കസ്റ്റഡിയിൽവെച്ച് ദൂരുഹ സാഹചര്യത്തിൽ മരിച്ച ഫാം ഉടമ പി.പി മത്തായിയുടെ കുടുംബാംഗങ്ങൾക്ക് നീതി ലഭിക്കണമെന്നാവശ്യപ്പെട്ട് നടത്തുന്ന പ്രക്ഷോഭത്തിൽ മത്തായിയുടെ കുടുംബാംഗങ്ങൾക്കൊപ്പം പി.സി ജോർജ്ജ് എംഎൽഎയും നാളെ പങ്കാളിയാകും. രാവിലെ 10.30 ന് പി.സി ജോർജ്ജ് ചിറ്റാറിലെത്തും. കുറ്റക്കാരെ ശിക്ഷിക്കാനുള്ള ആർജവം സർക്കാർ കാണിക്കണമെന്ന് അദ്ദേഹം ആവശ്യപ്പെട്ടു . സാധാരണക്കാരന് നീതി ലഭിക്കാൻ വേണ്ടിയുള്ള പോരാട്ടത്തിന് താൻ കൂടെയുണ്ടാകുമെന്നും അദ്ദേഹം പറഞ്ഞു.
