തിരുവല്ല : ഇന്ത്യയിൽ ഫാസിസം ശക്തിപ്പെടുന്നുവെന്ന് അഡ്വ.പ്രശാന്ത് ഭൂഷൻ. അടിയന്തരാവസ്ഥ കാലത്തേക്കാളും കൂടുതൽ രൂക്ഷമാകുന്നുവെന്നും വെല്ലുവിളികളിലൂടെ രാജ്യം കടന്നുപോകുന്നുവെന്നും പ്രശാന്ത് ഭൂഷൻ പറഞ്ഞു. ജനവിരുദ്ധ നിയമങ്ങളുടെ നിർമ്മാണവും പ്രയോഗവും കൂടുതൽ രൂക്ഷമാക്കുന്നു. ഭൂരിപക്ഷ – ന്യൂന പക്ഷ സംഘർഷങ്ങൾ വർദ്ധിക്കുന്നു. ജനാധിപത്യപരവും ഭരണഘടനാപരവുമായ സ്ഥാപനങ്ങളുടെ തകർച്ചയും രൂക്ഷമായിരിക്കുന്നു എന്ന് അദ്ദേഹം പറഞ്ഞു. വൈ.എം.സി.എ ഡിസ്കഷൻ ഫോറത്തിന്റെ ആഭിമുഖ്യത്തിൽ നടന്ന സെമിനാറിൽ മുഖ്യപ്രഭാഷണം നടത്തുകയായിരുന്നു അഡ്വ.പ്രശാന്ത് ഭൂഷൻ.
ഡോ.എബ്രഹാം ജോർജ് മോഡറേറ്റർ ആയിരുന്നു. പ്രൊഫ.ഇ.വി.തോമസ്, അഡ്വ.ജോൺ ജോസഫ്, അഡ്വ.കുരുവിള വർഗീസ്, ജോയ് ജോൺ, പ്രൊഫ.കോശി നൈനാൻ, സാജൻ വർഗീസ്, ഡോ.ജോൺ എബ്രഹാം, ജോർജ് ചെറിയാൻ റവ.കെ.ഐ.എബ്രഹാം, സാംസൺ വർഗീസ്, സാം സ്കറിയ, എബ്രഹാം വർഗീസ് കടവിൽ തുടങ്ങിയവർ പ്രസംഗിച്ചു.
