മല്ലപ്പള്ളി : പരിയാരം തെക്കേ മുറിയിൽ തങ്കമ്മ ജോണിന്റെ വീടിനോട് ചേർന്നുള്ള കിണറ്റിൽ വീണ കോഴിയെ എടുക്കാൻ ഇറങ്ങി ഉള്ളില് കുടുങ്ങിയ ആളിന് അഗ്നിശമന സേന രക്ഷകരായി. തുരുത്തിക്കാട് മരുതികുന്നേല് രാജനാണ് 30 അടി താഴ്ചയും 10 അടി വെള്ളവും ഉള്ള കിണറ്റില് അകപ്പെട്ടത്.
തിരുവല്ല അഗ്നിശമന നിലയത്തിലെ സ്റ്റേഷൻ ഇൻ ചാർജ് എ.എസ്.ടി.ഒ പി ശശിധരൻ, ഗ്രേഡ് എ.എസ്.ടി.ഒ എം.കെ രാജേഷ് കുമാർ, ഫയർ & റെസ്ക്യൂ ഓഫീസേഴ്സ് ആയ ഹരിലാൽ, ഷംനാദ്, അരുൺ മോഹൻ, കെ. പി നൗഫൽ ഷാജി, എഫ്.ടി ഷിബു, ജയൻ മാത്യു എന്നിവർ ചേർന്നാണ് രക്ഷപെടുത്തിയത്.
