കൊച്ചി : സംസ്ഥാനത്ത് പാചക വാതകവിലയിൽ വൻ വർധന. വാണിജ്യ ആവശ്യങ്ങൾക്കുള്ള സിലിണ്ടറിനാണ് വില കുത്തനെ ഉയർത്തിയത്. 101 രൂപ കൂട്ടിയതോടെ വാണിജ്യ സിലിണ്ടറിന് 2095.50 രൂപയായി. അതേസമയം ഗാര്ഹിക ആവശ്യങ്ങൾക്കു കൊടുക്കുന്ന പാചക വാതകത്തിന്റെ വിലയിൽ നിലവിൽ വർധന ഉണ്ടായിട്ടില്ല. വില കുത്തനെ കൂട്ടിയതോടെ ഹോട്ടലുകള് ഉള്പ്പെടെയുള്ളവര് വന് പ്രതിസന്ധിയിലാകും. ദിവസേന വന് ബാധ്യതയാകും ഇവര്ക്കുണ്ടാകുന്നത്. ഭക്ഷണങ്ങള്ക്ക് ഇനിയും ഉടനെ വില വര്ദ്ധിപ്പിക്കുവാനും കഴിയില്ല.
