കൊച്ചി: തീരപരിപാലന നിയമം ലംഘിച്ച മരടിലെ അവശേഷിക്കുന്ന രണ്ട് ഫ്ളാറ്റുകള് ഇന്ന് തകര്ക്കും. നിയമം ലംഘിച്ചെന്ന് കണ്ടെത്തിയതിനെ തുടര്ന്ന് സുപ്രീംകോടതി നിര്ദേശ പ്രകാരം ഇന്നലെ രണ്ട് ഫ്ലാറ്റുകള് തകര്ത്തിരുന്നു. മരടിലെ ജെയിന് കോറല് കേവ്, ഗോള്ഡന് കായലോരം എന്നീ ഫ്ളാറ്റ് കെട്ടിടങ്ങളാണ് ഇന്ന് പൊളിക്കുക. ജെയിന് കോറല് കേവ് രാവിലെ 11 മണിക്കും ഗോള്ഡന് കായലോരം ഉച്ചക്ക് രണ്ട് മണിക്കും പൊളിക്കാനാണ് നിശ്ചയിച്ചിട്ടുള്ളത്.
ഹോളി ഫെയ്ത്ത്, ആല്ഫ സെറിന് ഫ്ലാറ്റുകള് പൊളിക്കുന്നതിന് മുന്പ് സ്വീകരിച്ച അതേ സുരക്ഷ ക്രമീകരണങ്ങള് തന്നെയായിരിക്കും ഇന്നും സ്വീകരിക്കുക. രണ്ട് ഫ്ലാറ്റുകളും സ്ഥിതി ചെയ്യുന്നത് കാര്യമായ ജനവാസമുള്ള സ്ഥലത്തല്ല. അതിനാല് തന്നെ ഇന്നലത്തെ അത്രയും വലിയ വെല്ലുവിളികള് ഇന്നില്ല. അതേസമയം കനത്ത ജാഗ്രതയോടെ തന്നെയാണ് ഫ്ലാറ്റുകള് പൊളിക്കുന്നത്. പ്രദേശത്ത് രാവിലെ എട്ടു മുതല് വൈകുന്നേരം നാലു വരെ നിരോധാനാജ്ഞ പ്രഖ്യാപിച്ചിട്ടുണ്ട്. സ്ഫോടന സമയത്ത് ഗതാഗത നിയന്ത്രണവും ഏര്പ്പെടുത്തും.
