കൊച്ചി : എറണാകുളം ഞാറയ്ക്കല് പെരുമാള്‍പ്പടിയില്‍ മണ്ണില്‍ പുതഞ്ഞ നിലയില്‍ മൃതദേഹം കണ്ടെത്തി. പെരുമാള്‍പ്പടി സ്വദേശി ഷാജി (50) ആണ് മരിച്ചത്. ആളൊഴിഞ്ഞ പറമ്പില്‍ ചെറിയൊരു കുഴിക്കുള്ളിലേക്ക് വീണ് കിടന്ന നിലയിലായിരുന്നു മൃതദേഹം കണ്ടെത്തിയത്. ഇന്നലെ രാത്രി മദ്യപിച്ച ശേഷം നടന്നു പോകുന്ന വഴിക്ക് ഈ കുഴിയിലേക്ക് വീണതാകാം എന്നാണ് പ്രാഥമിക നിഗമനം. ചെറിയ തോതില്‍ മണലെടുത്ത കുഴിയാണ്. ഞാറയ്ക്കല് പോലീസ് സ്ഥലത്തെത്തി മേല്‍നടപടികള്‍ സ്വീകരിച്ച് മൃതദേഹം പോസ്റ്റ് മോര്‍ട്ടത്തിനായി ജനറല്‍ ആശുപത്രിയിലേയ്ക്ക് മാറ്റി.
