വയനാട് : മേപ്പാടി കുന്നമ്പറ്റ നിര്മ്മല കോഫീ എസ്റ്റേറ്റില് തൊഴിലാളിയായ യുവതിയെ മരിച്ച നിലയില് കണ്ടെത്തി. നേപ്പാള് സ്വദേശിയായ വിമല (30) ആണ് മരിച്ചത്. എസ്റ്റേറ്റിലെ ഷെഡിലാണ് ഇവരുടെ മൃതദേഹം കണ്ടെത്തിയത്. തലയില് അടിയേറ്റ മുറിവുണ്ട്. സംഭവവുമായി ബന്ധപ്പെട്ട് ഇവരുടെ ഭര്ത്താവ് സലിവാന് എന്നയാളെ പോലീസ് ചോദ്യം ചെയ്യുന്നു. സലിവാനും, വിമലയും ഒരു കുട്ടിയുമാണ് മുറിയിലുണ്ടായിരുന്നത്. രാവിലെ ഭാര്യയെ കാണാനില്ലെന്ന് പറഞ്ഞ് പുറത്തേക്ക് പോകാന് നോക്കിയ സലിവാനെ സംശയം തോന്നിയ നാട്ടുകാര് തടഞ്ഞുവെച്ച് ഷെഡ് പരിശോധിച്ചപ്പോഴാണ് വിമല മരിച്ചു കിടക്കുന്നത് കണ്ടത്. മേപ്പാടി പോലീസ് സ്ഥലത്തെത്തി തുടര് നടപടികള് സ്വീകരിക്കുന്നു.
