ശ്രീനഗര് : ജമ്മുവിലെ സിന്ദ്രയില് ഒരു കുടുംബത്തിലെ ആറ് പേരെ മരിച്ച നിലയില് കണ്ടെത്തി. കുടുംബത്തിന്റെ തന്നെ രണ്ടുവീടുകളിലായിരുന്നു മൃതദേഹങ്ങള് കണ്ടെത്തിയത്. സക്കീന ബീഗം, പെണ്മക്കളായ നസീമ അക്തര്, റുബീന ബാനോ, മകന് സഫര് സലീം ബന്ധുക്കളായ നൂര് ഉള് ഹബീബ്, സജാദ് അഹമ്മദ് എന്നിവരാണ് മരിച്ചതെന്ന് പോലീസ് പറഞ്ഞു. മൃതദേഹങ്ങള് സമീപത്തെ സര്ക്കാര് മെഡിക്കല് കോളജിലേക്ക് മാറ്റിയതായി പോലീസ് അറിയിച്ചു. പോസ്റ്റുമോര്ട്ടത്തിന് ശേഷം മൃതദേഹം ബന്ധുക്കള്ക്ക് വിട്ടുനല്കും. സംഭവത്തില് പോലീസ് അന്വേഷണം ആരംഭിച്ചിട്ടുണ്ട്.
