തൃശൂര് : ഹോട്ടല് മുറിയില് വീട്ടമ്മയെയും സുഹൃത്തായ യുവാവിനെയും മരിച്ചനിലയില് കണ്ടെത്തി. തൃശൂര് ഒളരിക്കര സ്വദേശി റിജോ (26)യെയും കാര്യാട്ടുക്കര സ്വദേശി സംഗീത( 26) യെയുമാണ് തൂങ്ങിമരിച്ച നിലയില് കണ്ടെത്തിയത്. ഇന്നലെ ഉച്ചയ്ക്കാണ് ഇരുവരും ഹോട്ടലില് മുറിയെടുത്തത്. സംഗീതയെ കാണാനില്ലെന്ന് കാണിച്ച് ഭര്ത്താവ് സുനില് ഇന്നലെ പോലീസില് പരാതി നല്കിയിരുന്നു. യുവതിയുടെ ഫോണ് നമ്പര് പരിശോധിച്ചപ്പോള് തൃശൂര് കെ എസ് ആര് ടി സി ബസ് സ്റ്റാന്ഡിനടുത്ത് ഉണ്ടെന്ന് മനസിലായി. തുടര്ന്ന് ഹോട്ടലുകളില് പരിശോധന നടത്തുകയായിരുന്നു.
പോലീസ് നടത്തിയ പരിശോധനയിലാണ് സംഗീതയെയും റിജോയെയും തൂങ്ങി മരിച്ചനിലയില് കണ്ടെത്തിയത്. ഇരുവരും അടുപ്പത്തിലായിരുന്നെന്നാണ് വിവരം. സുനില് ഒരു കാറ്ററിംഗ് സ്ഥാപനം നടത്തുന്നുണ്ട്. ഇവിടത്തെ ജീവനക്കാരനായിരുന്നു റിജോ. സംഗീത-സുനില് ദമ്പതികള്ക്ക് മൂന്ന് മക്കളുണ്ട്. മൃതദേഹങ്ങള് പോസ്റ്റ്മോര്ട്ടത്തിനായി ആശുപത്രിയിലേക്ക് മാറ്റിയിട്ടുണ്ട്.
