പത്തനംതിട്ട : അതിപിന്നോക്ക സമുദായമായ പണ്ഡിതര് സമുദായത്തിനെ പൂര്ണ്ണമായും ഓ.ഇ.സി പട്ടികയില് ഉള്പ്പെടുത്തുന്നതിന് ആവശ്യമായ ഭേദഗതികള് നടപ്പാക്കണമെന്ന് അഖില കേരള പണ്ഡിതര് മഹാജന സഭ സംസ്ഥാന കമ്മറ്റി പ്രമേയത്തിലൂടെ കേരള സര്ക്കാരിനോട് ആവശ്യപ്പെട്ടു. ക്രീമി ലയര് പൂര്ണ്ണമായും ഒഴിവാക്കണമെന്നും നിയമസഭ പിന്നോക്ക സമുദായ ക്ഷേമ സമിതിയുടെ ശുപാര്ശ നടപ്പാക്കണമെന്നും യോഗം ആവശ്യപ്പെട്ടു. ഫെബ്രുവരി 17ന് ഏറണാകുളത്ത് അവകാശ പ്രഖ്യാപനം നടത്തുവാനും യോഗം തീരുമാനിച്ചു.
സംസ്ഥാന പ്രസിഡണ്ട് സി.ജി ശശി ചന്ദ്രന് അധ്യക്ഷത വഹിച്ചു. ജനറല് സെക്രട്ടറി ഷിജുകുമാര് എരുമേലി, ട്രഷറര് കെ.എസ് രാജന്, ഭാരവാഹികളായ ഷിബു ശ്രീധര്, എം.സി.രഘു, കെ.കെ മോഹനന്, എം.ആര് സജീഷ് രാജ്, കെ.എസ് അശോക് കുമാര്, വി.കെ സുരേഷ്, സരോജം സുരേന്ദ്രന്, എം.ആര് വേണു, സി.വിജയമ്മ, ഓ.കെ ഓമന, എ.ശശി, ടി.കെ ശിവദാസ്, കെ.കെ വേലായുധന്, കെ.പി നന്ദനന് തുടങ്ങിയവര് പ്രസംഗിച്ചു.
