പത്തനംതിട്ട : മഹാത്മാഗാന്ധി ലോകത്താകമാനമുള്ള ജനങ്ങളുടെ മനസ്സില് ജീവിക്കുന്ന ഇതിഹാസമാണെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. ജില്ലാ കോണ്ഗ്രസ് കമ്മിറ്റിയുടെ നേതൃത്വത്തില് പത്തനംതിട്ട രാജീവ് ഭവനില് സംഘടിപ്പിച്ച ഗാന്ധിജയന്തി ആഘോഷ പരിപാടികള് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഗാന്ധിയന് ആശയങ്ങളും ഗാന്ധി ചരിത്രവും തമസ്കരിക്കപ്പെടുന്ന വര്ത്തമാനകാലത്ത് ഗാന്ധിയന് ആശയങ്ങളുടെ പ്രചാരകരാകുവാന് കോണ്ഗ്രസ് പ്രവര്ത്തകര് കൂടുതല് സജീവമായി മുന്നോട്ട് വരണമെന്ന് ഡി.സി.സി പ്രസിഡന്റ് ആവശ്യപ്പെട്ടു.
ഡി.സി.സി വൈസ് പ്രസിഡന്റ് വെട്ടൂര് ജ്യോതിപ്രസാദ് അദ്ധ്യക്ഷത വഹിച്ചു.
മുന് എം.എല്.എ മാലേത്ത് സരളാദേവി, യു.ഡി.എഫ് ജില്ലാ കണ്വീനര് എ. ഷംസുദ്ദീന്, ഡി.സി.സി വൈസ് പ്രസിഡന്റ് എ. സുരേഷ് കുമാര്, ഡി.സി.സി സംഘടനാകാര്യ ജനറല് സെക്രട്ടറി സാമുവല് കിഴക്കുപുറം, ജനറല് സെക്രട്ടറിമാരായ സുനില് എസ്. ലാല്, സജി കൊട്ടയ്ക്കാട്, എസ്.വി. പ്രസന്നകുമാര്, ബി. നരേന്ദ്രനാഥ്, ബ്ലോക്ക് പ്രസിഡന്റ് ജെറി മാത്യു സാം, നേതാക്കളായ അബ്ദുള്കലാം ആസാദ്, റനീസ് മുഹമ്മദ്, നാസര് തോണ്ടമണ്ണില്, പി.കെ. ഇക്ബാല്, അജിത്ത് മണ്ണില്, നഹാസ് പത്തനംതിട്ട, സി.കെ. അര്ജുനന്, എം.എം.പി. ഹസന്, അനില് കൊച്ചുമൂഴിക്കല്, കെ.ജി. റെജി, പി.കെ. ഗോപി, ജെയിംസ് കീക്കരിക്കാട്ട്, ബിനു മൈലപ്ര എന്നിവര് പ്രസംഗിച്ചു.
